06 Jun Coñece en detalle os servizos de Re-acciona no ciclo de webinars que comezan o mércores, 10 de xuño
A nova convocatoria do programa Re-acciona servirá para mellorar a competitividade da túa empresa. Para iso, podes elixir entre un total de 15 servizos e solicitar as axudas antes do 2 de xullo.
Para que coñezas en detalle o servizo que mellor se adapta ás túas necesidades, poñemos en marcha un ciclo de webinars, no que os axentes colaboradores de cada servizo ofrecerán toda a información. Ademais, poderás resolver tódalas dúbidas coas túas preguntas.
A primeira cita é o mércores, 10 de xuño a partir das 12:30 horas. Ese día falaremos dos servizos incluidos no bloque de Desenvolvemento estratéxico: Como se adaptan as empresas galegas ao impacto da COVID-19? Estratexia do new normal.
A segunda das webinars estará centrada nas Finanzas, actividade comercial e loxística, claves na reactivación empresarial. Será o venres, 12 de xuño.
A innvación é outro dos eixes do programa Re-acciona. Neste caso, a webinar A innovavión para afrontar escenarios VUCA: volátiles, incertos, complexos e ambigüos será o mércores, 17 de xuño.
E finalmente, o venres, 19 de xuño falaremos de negocios que non paran. A dixitalización como resposta á pandemia.