22 Feb Adianto do novo programa de Re-acciona
Máis de 30 empresas asistiron á presentación de Desenvolvemento estratéxico integral da empresa: Plans de acción e Proxecto de futuro”, servizos da nova convocatoria de Re-acciona. Foi durante o VIII Almorzo Foro Empresa de Pontevedra, que se celebrou nas instalacións do Hotel Rías Bajas.
O acto contou coa intervención do Subdirector da Área de Competitividade do IGAPE, José Manuel Fernández. Por outra parte, a cita serviu para que a empresa DPI Estrategia explicase os detalles do servizo. Concretamente, estiveron presentes os directores da empresa, Isabel Álvarez Vázquez e Federico Miretti Oderiz.
Re-acciona pivotará sobre catro bloques temáticos para axudar ó tecido empresarial galego. O primeiro deles é o de Desenvolvemento estratéxico, no que as empresas terán á súa disposición varias asistencias para analizar a súa posición inicial e definir os pasos de mellora que deben de seguir. Nesta fase as pemes elaborarán un proxecto de futuro que lle permita acadar os seus obxectivos, en definitiva, disporán dun itinerario personalizado de mellora.
Precisamente, o servizo Desenvolvemento estratéxico integral da empresa forma parte deste bloque temático.