13 Feb Coñece detalles do novo Re-acciona no Almorzo Foro Empresa de Pontevedra
Xa non queda nada para o lanzamento da nova convocatoria de Re-acciona! Así que se es unha empresa interesada en recibir asesoramento para mellorar a túa competitividade, anota esta cita na túa axenda.
O xoves, 20 de febreiro a partir das 9 da mañá, as instalacións do Hotel Rías Bajas de Pontevedra acollen a celebración do VIII Almorzo Foro Empresa Pontevedra. Un dos protagonistas desta xornada vai ser o servizo Desenvolvemento estratéxico integral da empresa de Re-acciona.
No acto vai intervir o Subdirector da Área de Competitividade do IGAPE, José Manuel Fernández. Por outra parte, a cita servirá para que a empresa DPI Estrategia explique os detalles do servizo. Concretamente, estarán presentes os directores da empresa, Isabel Álvarez Vázquez e Federico Miretti Oderiz.
Re-acciona pivotará sobre catro bloques temáticos para axudar ó tecido empresarial galego. O primeiro deles é o de Desenvolvemento estratéxico, no que as empresas terán á súa disposición varias asistencias para analizar a súa posición inicial e definir os pasos de mellora que deben de seguir. Nesta fase as pemes elaborarán un proxecto de futuro que lle permita acadar os seus obxectivos, en definitiva, disporán dun itinerario personalizado de mellora.
Precisamente, o servizo Desenvolvemento estratéxico integral da empresa, do que poderás coñecer máis detalles o vindeiro 20 de febreiro, forma parte deste bloque temático. Agardámoste! Ese día, pasamos lista!