04 Feb Queres ferramentas para mellorar a túa tenda en liña?
As compras online medran día a día, proba diso é que o comercio electrónico supera xa os 10.000 millóns de euros en España; unha cifra que deixa á vista as grandes oportunidades que ofrece a venda por Internet. Neste contexto, o Goberno galego non escatima esforzos e quere axudar ás empresas a lograr os mellores resultados.
Por iso, a Consellería de Economía, Emprego e Industria vén de activar unha nova liña de apoios que ofrece ferramentas innovadoras para a promoción das exportacións. Como? mediante novas canles de comercialización. É o Galicia Exporta Dixital, que cun investimento de dous millóns de euros, pretende dar resposta á demanda das compañías galegas para acometer este tipo de procesos.
Grazas a estas axudas, as empresas galegas terán apoios para deseñar plans de internacionalización dixital e para a adquisición de software. Por outra parte, as compañías galegas van poder crear e adaptar tendas e catálogos en liña, campañas de posicionamento na Internet ou outros servizos de soporte das vendas dixitais.
A axuda será dun máximo do 80% dos gastos subvencionables, no caso das pemes, de ata o 70% para empresas de menos de 500 empregados; e dun máximo do 60% para aquelas compañías que superen os 500 traballadores.
Esta nova iniciativa reforza os programas Galicia Exporta Empresas e Galicia Exporta Organismos Intermedios. O obxectivo é que máis dun milleiro de pemes accedan e medren nos mercados internacionais entre este ano e o 2021.
Consulta a orde do Diario Oficial de Galicia.