23 Feb Coñece de preto as experiencias Re-acciona: Ibercisa
Dende o ano 2012 ao 2017, participaron dentro do Programa Re-acciona máis de 950 empresas (pemes, autónomos, emprendedores…), puxéronse en marcha máis de 1650 servizos de mellora competitiva. O balance dos resultados é positivo, como se puido observar durante as visitas que realizou o director do Igape a algunhas das empresas que participaron neste programa.
Unha destas visitas foi á empresa Ibercisa, Deck Machinery, S.A., especializada na fabricación de winches e maquinaria naval de uso en cuberta.
Con máis 25 millóns de euros facturados o pasado ano, Ibercisa Deck Machinery emprega preto de 100 traballadores e exporta o 92 % da súa produción a 35 países de todo o mundo. Esta peme galega participou en tres servizos do programa Re-acciona do Igape co obxectivo de favorecer a súa competitividade en ámbitos tanto produtivos como loxísticos. Ademais, a compañía acolleuse ao programa para optimizar o uso das súas instalacións e os seus procesos. Estes proxectos de mellora desenvolvidos incidiron especialmente na ordenación dos postos de traballo e na loxística interna da fábrica, coa habilitación dun novo almacén de compoñentes.
Fonte: http://bit.ly/2FwcPv3