03 Aug As vantaxes da aplicación de solucións de mobilidade na túa empresa
As empresas son conscientes de que as tecnoloxías marcarán o futuro das organizacións, de maneira que cambiará a forma de traballar como a coñeciamos ata hai pouco. As solucións de mobilidade empresarial son das principais e máis destacables tecnoloxías, xa que ao redor do 80% das empresas que incorporaron estratexias de mobilidade incrementou o número de clientes que utilizan os seus servizos.
É importante que a mobilidade empresarial se entenda como algo máis que unha tecnoloxía, xa que supón un impulso á produtividade individual e, en consecuencia, á produtividade do equipo e da empresa.
Os negocios que incorporan solucións móbiles teñen unha serie de vantaxes das que falaremos a continuación:
- A atracción de novos clientes, xa que aumenta a produtividade grazas a novos modelos de negocio e puntos de vista que só se poden obter a partir das interaccións con dispositivos móbiles.
- A calidade nos servizos que lles damos aos nosos clientes, a través das experiencias relevantes segundo o contexto de entrega, con aplicacións atractivas que se crean con solucións multicanle.
- A conversión das interaccións en compromisos de cambio e en oportunidades de obter resultados positivos, ao ser o móbil un dispositivo de contacto directo.
- A proporción ao cliente dunha experiencia de marca que inclúe diferentes puntos de contacto ou venda, mediante a conexión das aplicacións móbiles aos sistemas de rexistro, por medio de transaccións continuas e de confianza.
- O emprego de tecnoloxías de nube para satisfacer a crecente demanda de tecnoloxías da información, que axuda a reducir os custos e incrementa a nosa visibilidade e control.
- A maior conexión de todos os departamentos da empresa, de maneira que a información sexa accesible para todos.
Despois de todo o comentado anteriormente, pensa se a túa empresa está a empregar algunha solución móbil. A miúdo a falta de experiencia e de asesoramento fréanos para levar a cabo estes cambios no noso negocio. No programa Re-acciona TIC e Re-acciona as empresas están acompañadas, nos diferentes servizos que se ofertan, por expertos no seu camiño cara á mellora da competitividade.
Fontes: www.logisticamx.enfasis.com, movilidadempresarial.idg.es