18 Oct Por que contar cun millenial no teu cadro de persoal?
Atopámonos na era da dixitalización e, sen dúbida, un dos principais retos dos directivos das organizacións é levar a cabo a integración do talento dos coñecidos “millenials”, esa xeración de mozas e mozos que se fixo adulta co cambio de milenio e que, segundo as previsións, no 2025 suporá o 75 % da forza laboral do planeta. Pero a característica máis importante coa que conta esta xeración é a súa intuición á hora de afacerse coas tecnoloxías, motivo polo que se consideran clave para que as organizacións acaden a súa transformación dixital.
Certo é que na actualidade as empresas son conscientes da necesidade de afrontar nun prazo curto a transformación cara a un novo escenario dixital, pero do que non o son tanto é dos perfís que necesitan para conseguilo.
A continuación expoñemos tres razóns polas que unha organización debería contar con estes nativos dixitais no seu cadro de persoal:
• Amplo coñecemento dixital: os millenials destacan pola súa capacidade á hora de desenvolverse de forma autónoma no contorno dixital. Estes dedican máis de 25 horas á semana a medios en liña, o que os converte en grandes usuarios das redes sociais: falan, escoitan e comunícanse a través delas.
• Axilidade na xestión da información: o uso activo das novas tecnoloxías diferencia estes mozos das xeracións precedentes, especialmente pola necesidade de compartir información. Contan cunha gran capacidade para buscar, avaliar, organizar e compartir información en contextos dixitais.
• Reciclaxe continua: se hai algo que caracteriza os millenials é o seu alto nivel de formación, acompañado polo afán de “estar á última”. Contan cunha gran capacidade para xestionar a aprendizaxe de maneira autónoma, de maneira que lles permita coñecer e utilizar os recursos necesarios para estar ao tanto nas tendencias dixitais do momento.
En resumo, queda claro que estamos diante dun grupo laboral dixitalmente experto, ambicioso, pero sobre todo “inquieto”. O millenial buscará sempre novos desafíos, novos retos, polo que a recomendación é que a empresa non só deberá estar pendente de como atraelos, senón tamén de como retelos.
Fonte: www.rrhhdigital.com; www.puromarketing.com; actualidad.rt.com