Re-acciona

CAPACITANDO EMPRESAS, CREANDO OPORTUNIDADES

Por que Re-acciona?

No 2012 o Igape puxo en marcha a primeira edición do programa Re-acciona, que comprende once servizos de mellora da competitividade empresarial, e que na actualidade se atopa na súa terceira edición.

 

Estes servizos de análise do potencial competitivo, profesionalización e desenvolvemento estratéxico para as pemes galegas contan co cofinanciamento da Unión Europea a través do programa operativo Feder Galicia 2014-2020.

Un esquema de servizos nacido para capacitar as pemes ante os novos retos do mercado, dotándoas dun valor engadido que permita acelerar os seus procesos de mellora e incorporar novos coñecementos ás súas estruturas, servizos baseados na implicación do equipo, sinxelos de entender e orientados á aprendizaxe.

 

Para aplicar estas once áreas de mellora, seleccionouse un grupo de axentes colaboradores, que xa conseguiron que máis de 600 empresas galegas “re-accionaran”.

1400

Servizos de mellora competitiva postos en marcha

800

empresas (pemes, autónomos, emprendedores...) participantes 2013-2017

220

Bolseiros participantes

Que define un servizo Re-acciona?

1define-01

Implicación público-privada

A posta en marcha dun servizo Re-acciona supón unha implicación da empresa no desenvolvemento do proxecto de mellora, o cal garante o éxito nos resultados. Desde o Igape e a Amtega (Re-acciona TIC) préstase un apoio económico subvencionando nun 85 % o custo do servizo.

2definicion-01

Acompañamento na execución

Trátase dun servizo que se desenvolve de maneira conxunta e guiada por unha entidade colaboradora do Igape, que en todo momento está a disposición da empresa durante a duración do servizo de mellora, que pode ir dos 3 aos 6 meses aproximadamente.

3definicion-01

Aprendizaxe e autonomía

A filosofía do programa Reacciona é que a empresa se profesionalice nunha determinada área estratéxica ou operativa, e para iso a formación que se dá durante o servizo é clave para conseguilo.

4definicion-01

Consecución de resultados

Desde o comezo do servizo defínense uns obxectivos para alcanzar que se fan tanxibles ao rematar o servizo, de maneira que desde o inicio a empresa coñece que pode esperar coa súa posta en marcha.

Cales son os servizos dispoñibles?

Quen pode solicitar os servizos Re-acciona?

  • A partir de 1 traballador

    • – Análise do potencial competitivo 

  • A partir de 3 empregados ou socios traballadores

    • – Empresa familiar
    • – Redes de cooperación
    • – Transformación do negocio
    • – Optimización financeira
    • – Mellora da produción e a cadea loxística
    • – Relanzamento comercial
    • – Xestión por procesos
    • – Imaxe e comunicación

  • A partir de 4 traballadores, socios ou colaboradores

    • – Plan de futuro empresarial 
    • – Desenvolvemento de plans de acción

Presentación dos servizos Re-acciona e Re-acciona TIC.

Un visión completa de todo o programa.

Que resultados alcanzou o programa Re-acciona?

Queres coñecer os testemuños dos seus participantes?