O mapa de experiencia do cliente, clave para mellorar as vendas no teu negocio

1

O mapa de experiencia do cliente, clave para mellorar as vendas no teu negocio

O cliente é unha parte importante do noso negocio e, sen dúbida ningunha, ten que estar presente á hora de fixar as nosas estratexias comerciais. Polo tanto, estudalo, así como mellorar a súa experiencia de compra, pode ser clave para as nosas vendas.

Unha das ferramentas que pode axudarnos a definir estas estratexias é o costumer journey map ou mapa de experiencia de cliente, mediante o que establecemos cales son as etapas polas que pasa un cliente ao longo do seu ciclo de compra co obxectivo de optimizar este proceso.

Cales son os puntos clave para realizar un customer jouney map?

  • O comprador: definir o perfil do cliente que imos analizar, xa que existen diferentes tipos de compradores na nosa empresa coas súas correspondentes necesidades.
  • As etapas de compra: as diferentes fases da relación do cliente coa empresa, que podemos definir como prevenda, venda e posvenda.
  • As interaccións: a maneira en que o cliente se relaciona coa nosa marca ante determinados sucesos ou circunstancias.
  • As emocións: a reacción do cliente (positiva, negativa ou indiferente) ante as diferentes interaccións que ten connosco, ou co noso produto ou servizo.
  • Touchpoints: a canle mediante a cal o cliente interactúa ou se comunica coa nosa empresa, dende unha páxina web ata un empregado, ou mediante o correo electrónico.

Todo isto é moi importante para coñecer os niveis de satisfacción do cliente e saber onde se precisa realizar melloras para optimizar a súa experiencia. Que outros métodos cres que se poden empregar para establecer estratexias de venda axeitadas?

Fontes: http://www.talenmo.es/; http://www.talenmo.es/http://comunidad.iebschool.com/